DEN HAAG – Tweede Kamer ta delibera diahuebs riba e proposicion di ley di PVV cu mester garantisa cu e Zwarte Piet ta keda “zwart”. “Tin algun aña caba un guera contra e Zwarte Piet ta andando,” segun Martin Bosma.
Segun e PVVer, tin politiconan, entre otro e vice prome minister, Lodewijk Asscher (PvdA), riba e amigo di mucha. “Esey mester stop. Zwarte Piet ta pertenece na e tradicion di Hulanda cu nos mester ta orguyoso di dje. Ta absurdo pa conecta Zwarte Piet na racismo of esclabitud,” Bosma a bisa.
Lamentablemente pa opositornan, e ley di Zwarte Piet, ta mustra poco chens pa logra yega Parlamento. “E ta un discusion di sociedad, no uno politico,”segun e partido na mando VVD, riba e color cu e ayudante di Sinterklaas mester haya. Esey ta loke cu e miembro di Parlamento di PvdA, Joyce Vermeu ta haya: “Nos no mester regla via ley con hende tin cu celebra Sinterklaas.”
E ley di Zwarte Piet ta dicidi cu e gemeentenan solamente por coopera na e celebracionnan di Sinterklaas, entre otro e intocht tradicional, si Zwarte Piet realmente ta preto – of donkerbrui. Pietnan cu colornan di regenboog ta pa motibo di esaki tambe un taboo.
Fuente: ANP