ANKARA, Turkia- E principal companianan importado di productonan electronico na Turkia ta cancelando e importacion di iPhone. Esaki ta bin despues di e peticion di e presidente Recep Tayyip Erdogan pa “boycott iPhone”.
Segun e corante Hurriyet ta informa, tres compania cu ta colabora cu e red comercial Turco Dogubank, cu sede na Istambul, a anula pedidonan di iPhone balora na 50 miyon dollar. E telefonnan lo mester a yega Turkia, entre october y november di e aña aki.
E boycott a wordo amplia na otro productonan electronico y no electronico procedente di Merca, segun cierto informacionnan difundi na Turkia.
Dia 15 di augustus ultimo, Ankara a aumenta e impuestonan na e importacion di varios mercancia procedente di Merca, incluyendo productonan manera alcohol, aros, tabaco, carbon y auto. E medida a wordo aproba den respuesta na e invoerrechten riba hero y aluminium imponi door di Merca.