Diasabra marduga, den careda di 02.15 patruya di Noord ta wordo manda pa Hotel Barcelo Aruba pa un caso di maltrato di turista. Na e sitio polisnan ta papia cu e General Manager I.P.A. y e dama K.P.
Nan a declara cu nan a wordo maltrata door di un personal di siguridad di South Beach. I.P.A. ta declara na polis cu nan tabata den grupo, sinta na bar ta bebe. Ora cu nan a caba di bebe. Ora cu nan a cla, I.P.A. ta puntra si nan tin un cuenta habri. E bartender ta contesta cu “no”. Esaki I.P.A. a haya masha raro pa motibo cu ora di habri un cuenta e bartender/waiter lo mester keda cu su carchi di banco. Mirando cu nan no a bin cerca dje pa paga e cuenta, el a asumi cu su señora lo a paga e cuenta caba. Pa es motibo ey nan a lanta pa bay, pa bandona e luga. Na momento cu I.P.A. tabata bezig cu e bartender, e personal di siguridad a tene na su nek y a rek’e bay cun’e pafo di e localidad. Despues e security a haci un nekklem cun’e y a dal’e un mokete den su boca y a sigui dal’e den su cabes.
Mientras cu e security tabata bringando cu I.P.A., esaki a dal e dama K. un biaha bou di su wowo. E turistanan tabata kier pa polis a wak e imagennan di video di e sucedido. Polis a conseha nan pa tene e video y mustra esaki na recherche di Strandpolitie. Tambe nan a wordo conseha pa bay busca atencion medico y tambe entrega denuncia di maltrato.
Despues di esaki, patruya ta dirigi su mes pa South Beach y pa 02.40 polis ta detene e security H.H.H. y ta wordo transporta pa warda di polis na Shaba pa maltrato.