Central ta manda patruya di Noord pa Spoed Eisende Hulp den cuadro cu destruccion. Eynan a papia cu personal di security y tambe di OVD di Spoed Eisende Hulp, esta R., kende a declara cu e turista/pashent, rond di 11’or di anochi a yega eynan pa haci un saminacion medico di su pols. Ora cu el a keda cla, e tabata kier un taxi pa e bay bek su hotel.
Na prome instante e tabata hopi rustig, pero despues el a bira agresivo y a kibra e porta di eerste hulp, cual ta e porta di e sala di espera di e luga, door di uza su mokete. R. a yama mas biaha riba e situacion y a dicidi cu R. lo duna keho den nomber di hospital. E sospechoso RAE (turista) naci na Canada, a wordo deteni y presenta dilanti di fiscal auxiliar, caminda cu el a keda deteni pa mas investigacion. Central a wordo poni na altura.