Diasabra mainta pa 10 or y mei, Central di Polis ta manda un patruya pa Botica Santa Ana, pa un caso di ladronicia.
Na sitio polis ta papia cu e manager T., cu a declara cu un turista, hospedando na “Marriott Surf Club” a bin pa cumpra remedi. Ora cu e turista a yega na caha pa paga, el a pasa man pa un temperatuur meter cu tabata riba e toonbank, na balor di $ 3.90. E manager no kier a entrega denuncia, pero si tabata kier pa e turista paga pa loke el a bay cun’e.
Patruya ta bay direccion Marriott Surf Club, y eynan polisnan ta papia cu e turista S.H, kende ta declara cu segun e, el a paga pa e temperatuur meter. El a mustra comprension pa e situacion y a paga pa loke el a bay cun’e.