Central a dirigi patruya riba LG Smith Boulevard, banda pariba di e cas di gobernador, den cuadro cu un homber desconoci cu tabata drumi riba Linear Park. Na e sitio polis a acerca e homber y a wordo lanta for di soño. A papia cun’e y el a duna un ID y su paspoort. E tabata RMK, kende a drenta Aruba dia 5 di Augustus 2017, como Turista. El a bisa pasobra cu e tabata na caminda pa aeropuerto y tin un pasashi pa un vuelo mainta tempran su siguiente dia. El a bisa el a sinti su mes cansa, cu el a pega soño. Polis a bise cu no por drumi zomaar riba caminda grandi. El a mustra comprension y a contesta cu e no tin otro luga pa drumi anochi y cu e no tabata tin suficiente placa pa por huur un camber di hotel. Mirando cu e no tabata tin suficiente manera, polis a dicidi si e kier a bay boluntariamente pa Guarda nos Costa. Eynan a papia cu un trahado M. El a tuma contacto cu e hefe di GNC, kende a papia cu K y a dune permiso pa e pasa su anochi eynan y mainta e por bay aeropuerto pa asina e biaha bay bek su pais. Despues cu e hefe di GNC a duna permiso, polis a lag’e. E trahado M a bay hunto cu K pa mustre unda e lo keda. Central a wordo poni na altura.