Diahuebs, pa 1 or y 40 di marduga, Centrale Post a manda un patruya pa un hotel High Rise relaciona cu robo di un celular. Na nan yegada na e sitio a purba di saca afo di e cabayero J. Cohn kico a pasa, ya cu esaki tabata bou di influencia di alcohol. E cabayero Cohn aki no tabata por a para ni ariba su pianan, y tabata bruha diferente storia door di otro y cu lenga pisa. Loke a polisnan por a compronde ta cu e cabayero aki tabata na un bar entre “Hooters” y “297 Restaurant” ora cu el a perde su telefon y su cartera.
E polisnan a bay cu e cabayero aki pa e mustra e polisnan na unda el a perde su cartera. Despues a resulta cu e cabayero aki a perde su pertenencianan na “South Beach Lounge”. E no tabata por a corda ki ora precies el a perde esakinan. Mirando cu e luga en cuestion tabata cera y cu e cabayero tabata bou influencia di un of otro substancia, a dicidi di hiba e cabayero bek pa su hotel.
A conseha tanto e cabayero Cohn como e personal di e hotel pa tuma contacto cu polis den oranan di mainta, pa asina purba na localisa e doño of e manager di “South Beach Lounge” pa asina informa si e articulonan di Cohn lo por ta warda na e localidad aki y si e lo kier a entrega denuncia. Centrale Post a wordo poni na altura.