Central a dirigi patruya na un high rise hotel pa un ladronicia. A papia cu e turista MAEG, kende tabata bao di influencia di alcohol. El a declara cu un hende a horta su cartera. E no por a corda unda el a lage. Na e sitio a papia cu e night auditor R., kende a declara cu G. tabata hopi fastioso y a cuminsa grita personal di dicho hotel. El a bisa tambe cu e turista a urina banda di e trapinan. Despues e homber R. a bin cu dicho cartera. El a declara cu e cartera a wordo haya banda di e trapinan, caminda cu G. a urina. E cartera parce cu en berdad tabata di e turista y a duna esaki bek. A papia cu e homber riba su comportacion y a advirti’e pa e comporta su mes, sino e lo wordo deteni. Paz a wordo restaura y Central a wordo poni na altura.