Durante patruya Central ta manda polis di Noord na De Olde Molen pa un caso di maltrato cu arma. Eynan a papia cu security di Olde Molen, kendenan a declara cu un homber desconoci a dal un turista bao di su nanishi. E homber desconoci a dal’e cu un mokete. E rason tabata pasobra e turista lo a mishi un mucha muhe tres biaha na su atras. Parce cu e mucha muhe a bin resulta di ta e pareha di e homber desconoci. E turista, JDG a declara na patruya di Noord cu e homber desconoci a dal’e cu un boter y e no tabta sa dicon el a dal’e cu esey. E homber desconoci y su pareha no tabata na e sitio. E turista JDG a wordo atendi pa ambulance. Central a wordo poni na altura.