Vocero di Polis ta informa cu dialuna pa 10:57 mainta central di polis ta haya un yamada cu un turista a bira malo banda di lama na Arashi. Patruya di biaha ta yega na e sitio y topa cu e señora benta abou no ta reacciona y a solicita ambulans cu urgencia pa presenta. Di biaha dos unidad di ambulans a presenta y paramediconan a cuminsa cu e pratica di reanimacion. A bay segun e procedura di 40 minuut y sin ningun resultado. A notifica dokter pa presenta y pa 12:04 merdia dokter Texeir a constata morto di e señora turista S.H naci 03-01-1976 na Alemania. Personal di slachtofferhulp tambe a presenta y asina asisti e señora su famia cu tabata cune.