Patruya di strandpolitie a wordo manda na e beach na altura di Holiday Inn Hotel pa un melding riba un persona cu a hera hoga y cu na e momento ey tabata wordo reanima. Polis a bay cu urgencia eynan y a mira na nan yegada cu personal di ambulance ya a yega na e sitio y a cuminsa cu reanimacion hunto cu testigonan local. Tabata trata aki di e homber USRSM, kende tabata di bishita cu su famia na Aruba y tabata keda na un hotel grandi. Su casa V y su famia a wordo ricibi pa e manager di e hotel. Durante reanimacion e victima a haya pulso bek y a wordo hiba cu urgencia pa hospital. E famia a bay cun’e. Polis no a constata ningun delito akinan. Testigonan a mira e victima ta drief riba awa. E victima parce, segun declaracion di su casa, ta pashent di curason y ta uza remedi pa esaki. Central a wordo poni na altura.Pa banda di 10’or di anochi a tuma contacto cu slachtofferhulp y a pone nan na altura cu e victima ta den ICU den estado critico.