Oatruya di Strandpolitie tabata na un Low Rise Hotel pa un keho di ladronicia. Despues nan a haya un melding di Central di un homber burachi y fastioso cu lo mester ta na un tennis court di un Highr Rise banda di dje. Patruya a dirigi na dicho localidad. Eynan na recepcion a papia cu security V., kende a declara cu e huesped yama Sarsfield a comete destruccion di varios articulo den cu camber. Segun V, Sarsfield a cana bay rabia direccion e tennis court di “Tropicana Beach Resort”. V. a conta cu Sarsfield mester checkout 12’or, pero e no a mustra ningun comprension pa esaki. A bay na e tenis court y a papia cu un colega di buitendienst, kende a conta cu Sarsfield a cana bay tras di e bar y a pusha e bartender y e mes kier a coy un cerbes for di cooler. Na e sitio polis a mira Sarsfield ta bebe cerbes na mesa. Polis a reconoce, debi cu mas prome e tabata tey na un asistencia. A purba di papia cun’e, pero no a logra. Sarsfield tabata bao di un ke otro substancia y e tabata papia bruha y no tabata razona. El a bira agresivo y a cuminsa grita contra polis. El a cana bay pafo direccion e bar y despues a bay tras di e toonbank. A bis’e cu e no tabata tin mag di ta eytras. E ora ey el a rabia ainda mas y a cuminsa grita atrobe contra polis. A base di esaki, el a keda deteni pa destruccion y buracheria publico. E sospechoso a wordo hiba den transportwagen pa warda di strandpolitie pa asina e keda presenta dilanti di fiscal auxiliar. A bay den su camber hunto cu security V y nan a mira cu e camber tabata reboltia. Tabata tin varios articulo den e camber kibra y tira abao. Varios paña tambe tabata tira abao.