Tur trahado social di Aruba haya reconocimento

0
RBC Juli 2018
ling and sons porciento
Funmiles-2018

Riba 10 di juli ultimo Minister Glenbert Croes a haci un di su deseonan realidad esta di duna un reconocimento nacional na tur e trahadornan social di Aruba.

Desde cu e mandatario a asumi su encargo ministerial, el a bin realisa den practica ki dificil y intenso e trabou di un trahador social ta. Locual cu mas a impresiona su persona ta cu nan ta traha cu alma y curpa pa e miho di nos hendenan, hopi boluntarionan trahando cu y di curason. Y despues di e caso di e dos Angelitonan, mas profundo e impacto aki a bira riba e mandatario.

Nos tur ta consciente cu Aruba na e momentonan aki ta pasando den e etapa mas critico socialmente. Un problema cu a escala y explota 24 di november 2017 pero cu no a cuminsa ayera. E problema social tin años andando pero cu pa motibo di negligencia y falta di antencion a yega n’e punto culminante cu ta unda cu nos ta awor. E trahador social cu ta e ‘backbone’ di henter bo sistema di asistencia, ta traha dia aden dia afo, 24/7 tin cu casonan complica te hasta hopi lamentabel. “Den mi parecer nunca nan a haya e reconocimento pa esaki”, e mandatario a declara. Y ta p’esey cu Minister Glenbert Croes a bin ta carga e deseo di por dedica un evento di gratitud na tur. Su manera di bisa tur trahadornan social: “nos ta wak bo, nos ta aprecia bo, nos ta admira bo y nos ta gradici bo pa bo bunita labor pa hunto nos logra e miho pa nos conciudadanonan. Un reconocimento den forma di un encuentro ameno cu un certificado pa semper recorda cu boso trabou ta balioso pa nos”.

 

Comments

comments

C: Heineken
new india
dvg