MANCHESTER, Inglatera – Polis Britanico a libera tur e 22 sospechosonan di e atentado na Manchester. E investigacion si riba Salman Abedi, si a continua.
E sospechosonan di terorismo, por keda wanta maximalmente 14 dia na Gran Britania. E 22 personanan no lo sigui wordo persigui y tampoco no tin mas sospechoso. E investigacion riba posibel complicenan di e terorista Salman Abedi, lo continua si, segun polis.
Luna pasa, Abedi a comete un atentado suicida durante di un concierto di e cantante Mericano, Ariana Grande na Manchester. Akinan 22 persona a muri y varios otro a keda herida, di cual 17 tabata di gravedad.
Conocidonan
E sospechosonan tabata conocinan di Abedi, entre otro su ruman homber. Segun polis e contactonan tabata inocente y cu ta Abedi mes a traha e bom. Polis a traha cu mas di mil persona riba e caso aki y a papia cu cientos di testigo.
E tata y ruman di Abedi a wordo aresta na Libia, despues di e atentado. Aindanan ta cera eynan riba e sospechoso di tin laso cu movimientonan terorista.
Fuente: www.rtl.nl