Tur remedi treci di afo mester pasa via canalnan oficial

0
RBC Juli 2018
Funmiles-2018

Tin varios negoshinan cu ta trece productonan pa baha peso, pa cual Sra. Dorylee Pappers- Lopez ta elabora ariba esaki.
Ministerio Publico ta cana e proceso via di Inspectie. Nan (companianan) cu ta trece e productonan aki, e productonan ta drenta via carga of otro manera, nan ta wordo gescreen y nan ta haya autorisacion pa Inspectie pa ariba mercado. Actualmente na Aruba tin un promedio di cinco shop of compania cu lo ta permiti pa trece remedinan pa esun cu ta ehercita nan curpa, manera body building,y deportista unda cu nan lo haya tur sorto di remedi y pildo pa baha peso of cu proteinanan cu normalmente lo mester wordo receta pa doctor.
Asina tambe den e caso di esun cu lo bay biaha pa bay competencia di body building por ehempel unda cu nan lo por trece pildo o remedinan, e ora departamento di Aduana ta hunga un rol unda cu nan lo controla tur e productonan aki, anto despues IVA lo autorisa pa nan por drenta cun’e si of no. Tambe inspector di IVA a bisa cu tin biaha lo ta trata di pashent cu lo a bay Colombia por ehempel via AZV y nan lo a haya un tratamento caminda cu lo mester presenta receta y cu a wordo receta pa uzo individual como parti di su tratamento. Den e caso aki Aduana no por kita e remedinan for di nan, pero a diario Aduana ta haci nan trabou, para nan y controla lo cu nan ta trece di remedi na Aruba pa wak si por drenta si of no.
Sra. Pappers- Lopez a sigui bisa cu Aruba lo mester educa su mes, como consumidonan di remedi, como pashent kico ta locual bo tin cu haci pa bo mesun salud. E ta reconoce na sintomanan cu bo tin, e ta reconoce cu bo mester bay dokter dado momento, pa bebe e remedi cu lo mester e ta, anto no cumpra remedi unda cu ta. Tambe den e caso di bay tuma inyeccion, inyeccion den e parti di estetica di hende muhe, mester wak y ta consciente di esaki, no bay na unda cu ta. Pero toch nos ta bay un luga sabiendo cu e lo tin su risico. Tur tin deber y responsabilidad, cuida bo mes. Tin diferente keho ta drenta na Inspectie, na momento cu personanan ta trece cierto remedinan, ya sa caba kico ta su intencion. Esaki ta locual ta purba na evita. Na comienso di aña a haci e parti di remedinan cu ta wordo cumpra online. Y tambe di e casnan di cuido, unda cu lo haci un scan di e casnan di cuido aki. Na di dos parti di 2018, lo haci e parti di estetica, pa por tambe pasa den e control di e luganan aki.
Mester bin cu’n campaña pa conscientisacion y e ta un tarea di hopi partner den cuido y Directie Volksgezondheid ta e departamento cu ta encarga cu esaki. Inspectie lo tuma un parti over di dje. Nan tabata bezig cu’n campaña y pensando pa haci’e atractivo pa atrae hende, pa cual nan a bin cu e lema: kico ta costo di beyesa? Kico ta bay sacrifica, na ki momento ora di bay un salon di beyesa cu no ta cualifica pa haci esey. Cu no tin e personal pa haci’e, cu ta trece remedi den maleta y no via e canalnan corecto. Tur eseynan ta temanan cu mester deal cun’e na 2018. E veld di cuido ta hopi grandi, pero nan ta purba di poco poco, dependiendo di e topico, pa nan tene supervision. Nan ta un departamento lanta na 2017 y den e aña aki ya caba nan a haya hopi keho, segun Sra. Dorylee Pappers- Lopez, Inspector General di Inspectie Volksgezondheid.

Comments

comments

C: Heineken
new india
dvg