Tur producto di Venezuela mester bin cu certificado di origen

0
RBC Juli 2018
ling and sons porciento
Funmiles-2018

Douane lo tene control ariba locual ta trata e productonan, esey ta loke nan ta controla. Pero si ta berdad cu’n MIU a wordo firma entre Venezuela y Reino, pa yega na un acuerdo. Sr. Roderick Croes, director di Aduana ta splica.

E MOU ta encera cu e trabaonan a cumisna pa yega na un acuerdo. Pero den esaki tin tambe poni cu tur e islanan hunto cu Venezuela, e Departamentonan di Duoane mester sinta hunto pa yega na afspraaknan cu lo bay traha basa ariba e Gazeta cu nan tin, e asina yama Afkondigingsblad di Venezuela, pa loek ta trata cu ta prohibi eynan,. Despues e Douane di e islanan lo sinta hunto cu di Venezuela pa e procedemento tuma luga.

E acuerdo di MoU ta splica tambe cu tur e barconan mester tin certificado di origen di e productonan cu nan ta wordo comercialisa. Esey ta toca e parti di Aduana, pa por traha bon. Un parti di e MOU ta bisa cu mester tin un certificado di origen, esey tin di haber cu e productonan cu ta bin di Venezuela. Aduana lo bay traha afspraak di cual ta e formulario cu nan lo tuma, ken ta autorisa pa firma y cua instancia di Venezuela ta esun autorisa pa duna e certificado aki.

Director di Aduana a splica tambe cu nan a sinta caba tambe cu e otro stake holders pa lo cual ta trata e parti maritimo y tur a bin cu nan input, pa wak con ta e miho manera pa haci un control mas sigur, segun Sr. Roderick Croes.

Riba e acusacionnan riba trafico di productonan ilegal,esaki ta cay riba tur e instancianan concerni den caso di producto esey ta haya Aduana tocante, Inmigracion pa locual ta trata di hende y Scheepvaart cu ta e parti di tur e barconan. Y tambe ta haya tambe, Kustwacht y Polis lo tin un rol di apoyo den esaki.

Tin un aclaracion di parti di Presidente di Aduana unda cu en berdad barconan Venezolano tabata prohibi di sali pero esey no ta nifica cu nan tabata prohibi di drenta Aruba. Esey a pone cu tabata tin diferencia di opinion unda cu Departamento di Aduana a yega wordo tilda di ta trafica y esaki no ta berdad unda cu nan tin cu traha bou ley.

Awor aki MOU a wordo firma nan ta keda traha riba e werkafspraak unda cu ta duna contenido na MOU, pa yega na e manera pa por traha miho cu tur dos banda ta keda contento.

E parti maritimo, tur departamento a sinta y lo bin un conseho pa e Minister, con ta e miho manera pa traha. Pa locual ta salimento, si tin un beleid cu Inmigracion ta pone pa e salimento di hendenan di waf, pero pa loke ta bendemento mester check e otro vergunningnan, manera e Ventvergunning of Belasting, lo por hunga un rol eyden.

Por lo tanto awor aki Aduana ta para na e frontera pa tur cos por cana bon y tainforma tur e otro departamentonan cu tin di haber cu esey tambe di kico ta pasa y hunto lo yega na proteha tanto nos frontera como nos economia.

Por ultimo, Sr. Roderick Croes, director di Aduana a expresa cu nan no tin contacto cu Douane Venezolano, pero Kustwacht tin mas contacto cu esun di Venezuela, y asina ta yega indirectamente na Venezuela. Pero cu e acuerdo MOU cu a wordo firma e contacto por cuminsa bira mas estrecho.

Comments

comments

C: Heineken
new india
dvg