Tin desaroyonan cu ta mustra cu Hulanda kier cambia cierto areglonan cu tabata tin pa hopi aña caba, existiendo na Aruba. Esey lo afecta nos economia hudicial na un manera cu no ta aceptabel. Sr. Robert Candelaria, parlamentario di AVP, ta splica.
Sr. Candelaria a traha hopi aña como polis, y den e cadena hudicial e desaroyonan aki no ta nada nobo. Pa hopi caba tabata tin cierto desaroyo cu tabata por a wak, unda cu en berdad ta wak cierto deseonan, siendo cu semper Cuerpo Policial tabata traha na un nivel porfesional, cu por a cuida y mantene e economia, a pesar cu semper tabata laga nan sinti cu nan no sa kico ta haciendo.
Gobierno anterior a haci peticion pa reevalua e cooperacion cu RST. Pero pa e conduci na algo cu por mina nos economia, esey no ta correcto. Kico ta e motibo, Sr. Candelaria no ta na altura.Por a mira desaroyonan na Venezuela, y si gobierno di Reino ta sinti su mes incomodo, cu cosnan ta canando bon, e ta sitni cu e mester yuda of interveni mas. Esey no ta un bon desaroyo. Loke semper Sr. Candelaria a traha pe y tambe partido AVP, ta di dialogo. Mester papia cu e partnernan den Reino, unda ta nan forso y nos meta. Aruba mester ta safe.
Loke sea e motibonan pa cual Hulanda ta tipo di pactonan aki, mester wordo bari for di mes. Nunca niun hende a mira e documento cu e minister di Husticia a trece den parlamento. Ley ta hopi cla, kico cosnan di Aruba ta handle.. Ora ta bay limita autoridad di Ministerio Publico y di Korpschef, no ta un bon desaroyo. Esaki mester bolter e, tin cu bisa, unda por haya otro pa coopera mas miho mas miho cu otro pa intensifica e cooperacion pa e siguridad di Aruba y di Reino.
E documento presenta ta bay over di e cooperacion entre paisnan di Reino. Pero e ta papia di cooperacion cu otro, di asuntonan cu ta pasa nos frontera. Awor mas cu nunca, tur mester traha hunto. Semper cu sinta na mesa cu otro y papia cu otro, y mehora e cooperacion. Dia pa dia cosnan ta bira mas pio y aworaki mester ta hayando otro, bin cu cosnan concreto pa proteha nos pais, segun Sr. Candelaria.
Ora di dialogo, no ta entrega autonomia. E mandatario di husticia pronto lo tin un reunion cu su partner den Reino y lo mester bin cu cosnan concreto con pa cuida nos pais. Tanten cu e minister di husticia y gobierno di Aruba, ta ariba e mesun liña ey, mestr papia pa yega na otro. Te asina leu, declaracionnan di Sr. Robert Candelaria, parlamentario pa partido AVP.