BUENOS AIRES, Argentina- Sergio, ruman di e hoben desapareci Santiago Maldonado diabierna a reconoce e curpa haya den riu Chubut di Argentina, como esun di su ruman. E noticia aki a wordo raporta pa medionan local.
“Nos por a wak e curpa, loke nos a reconoce ta su tattoonan y nos ta convenci di cu e ta Santiago”, Sergio Maldonado a bisa na su salida for di e morge hudicial unda e autopsia a tuma luga.
Sergio Maldonado ratifica cu pa su famia, e responsabel ta polis y a pidi pa sigui investiga “pa haya sa e berdad y husticia wordo haci”. Sin embargo, el a adverti cu “apenas e autopsia a cuminsa, unico cu a haci te cu awo ta presenta e curpa”. ”
“E resultado lo wordo duna den un para di dia, cu e muestranan di DNA y e confirmacion real”, Sergio a agrega.
E pais ta sigui spera ariba e resultado di autopsia riba e curpa haya dia 17 di october den e riu Chubut. E autopsia a cuminsa diabierna den e capital Argentino y posiblemente lo no tin conclusion diabierna, según e experto cu ta representa famia Maldonado, Alejandro Incháurregui.
Fuente: http://www.ntn24.com