Diamars merdia personal di DOW, Brandweer y Cuerpo Policial tabata na waf na Barcadera unda e companianan di truck encarga pa saca tur e containernan di klapchi tabata prepara. Un total di 19 container a keda saca for di waf na Barcadera acompaña pa autoridad direccion pa wela unda e containernan lo keda controla pa DOW y Cuerpo di Bombero. Securitynan na Astec a keda encarga pa habri e porta pariba di waf pa e trucknan por sali sin ningun problema.