Pa medio di e ley di AZV por haci peticion pa bay pa cuido medico den exterior, pa cual Sra. Solange Tchong, vocero di AZV ta elabora ariba esaki.
Algun cliente di AZV ta hayanan den situacion di emergencia, vooral ora di accidente, ora persona a bira malo diripiente y ta bay SEHO. Eynan ta constata cu e persona manera e wordo interna, e specialista ta bisa cu e pashent mester bay afo pa haya cuido medico. pero lamentablemente, tin algun caso na unda famia of pashent, mester core den lihe, pa logra renoba un saca un paspoort, cual lo bira un paspoort di emergencia, pa e pashent por bay afo.
AZV kier haci un apelacion na tur persona na Aruba, pa controla si bo famia, etc, pasobra cu no tin nada mas miho, cu no solamente pensa cu mester di e paspoort pa ora di bay vakantie, pa ora cu kier pasa dushi pafo di Aruba, pero e ta un documento importante tambe, cu den caso di emergencia, unda cu dokter ta bisa e pashent cu no tin nada otro cu mester bay cu urgencia afo.
Cu esaki, kiermen cu den 72 ora e pashent mester sali pa haya su cuido medico. Esaki ta situacionnan cu AZV ta hay’e aden, cu na e momento ey ta splica e pashent y famia pa saca un documento pa biaha. Un documento di emergencia, no ta algo, cu por yam’e caro, pero e no ta asina facil. E ta hopi mas bentahoso pa por tin paspoort semper na ordo. Pasobra e prijs ta hopi mas accesibel cu ora di saca un di emergencia pa biaha.
CU otro palabra, AZV kier haci un apelacion na tur persona pa zorg pa e paspoort ta vigente, pa por tin uno valido, door cu malesa por bati na porta inespera y e ora ey, bo ta bay haya un biahe via AZV cu bo ta haya cuido y ta asina importante pa tin e paspoort na ordo.
Sra. Tchong a splica cu e casonan aki no ta hopi, pero si e ta causa un stress extra pa, vooral e miembronan di famia, ya cu hopi biaha nan tin cu bay diferente instancia manera kabinet di gobernador, pa regla esey. Como AZV, nan ta prefera wak cu e aseguradonan tin un bon comportacion y dentro di esaki ta referi na ta pendiente di nan documentonan, tanto di AZV su zorgpas pero tambe e paspoort. Esaki door di hopi biaha ta lubida e importancia di tin esaki na ordo, ya cu nos ta biba riba un isla cu su limitacion y si mester bay afo pa cuido medico dne exterior, e pashent tin su documento na ordo, segun Sra. Solange Tchong, vocero di AZV.