LAS VEGAS, Nevada – Hillary Clinton y Donald Trump a protagonisa diaranson e di tercer y ultimo debate di e campaña electoral Mericano, den un discusion riba temanan di fondo, cu ta inclui severidad pero no golpinan bao di faha.
Trump, kende a pasa varios dia dedicando na actonan di campaña pa denuncia cu e eleccionnan ta wordo “manipula”, a evita na compromete di acepta e resultadonan di comicio, como cu ta un practica fundamental di tur e candidatonan, AFP a bisa.
Ora di a wordo consulta si e tabata dispuesto desde awo na acepta e resultado di e eleccion, Trump a sorprende ora di responde: “Mi lo wak ora e momento ta oportuno. Y di loke mi a mira te awo, e ta hopi malo.”
Den e mesun hornada, su yiu muhe Ivanka, a afirma den un entrevista di ta sigur cu Trump lo acepta e resultado, pero e respuesta den e debate a caoy manera un baño di awa friu.
Como respuesta, Clinton a bisa si sinsi su mes “hororisa” di wak cu un aspirante na Cas Blanco no ta confia den e sistema electoral manera pa evita compromete na acepta e resultado di un eleccion
Comportacion indecente
Durante e debate, e escandalonan cu ta involucra Trump desde un siman pasa pa comportacion indecente cu hende muhe, a bolbe bek riba agenda. Trump a afirma cu e no conoce e muhenan cu awo ta afirma cu a wordo mishi p’e, pero ademas a sugeri cu Clinton y ekipo por ta tras di e denuncianan aki.
“Mi a kere cu el a incita na e personanan aki pa duna un paso dilanti,” Trump mustrando un dede riba Clinton, acusando e di ta organisa “un campaña sushi” basa riba denuncianan cu ta “mentira.”
Cu relacion na hende muhenan cu a presenta denuncia, Trump a sigura: “mi no conoce e personanan aki. Pero mi tin un idea di unda e denuncianan ta bin.”
E “marioneta” di Putin
Den un momento di discusion mas candente, Clinton a sugeri cu Trump den Cas Blanco lo ta “un marionieta” di e presidente Ruso, Vladimir Putin.
Den e intercambio, Trump a bisa cu Putin “no tin ningun respet” pa Clinton of e presidente Barack Obama, caminda cu el a responde cu e rason ta cu e “ta prefera pa tin un marioneta como Presidente di Merca.”
“No, abo ta un marioneta,” Trump a responde secamente.
Clinton tambe a recorda cu Rusia a invadi emailnan Mericano y a repasa e informacion aki na s tisio Wikieaks.
Pa esey, el a reta Trump na condena e iniciativa Ruso, pero e miyonario a bisa cu, aunke e t condena inersionnan di email, “e no tin idea si tabata Rusia of China of un otro hende mas.”
Pais desgara pa deportacionnan den masa
E cuestion migratorio a bolbe mustra e enorme gap cu ta separa e dos candidatonan principal y e discusion a alcansa un punto critico ora cu Clinton a afirma cu e idea di Trump di deporta e miyone di imigrantenan den un situacion iregular “lo habri e pais for di otro.”
Pa esey ta posibel, Clinton a bisa, e pais mester bin cu un forsa special pa sali busca imigrantenan “scol pa scol, cas pa cas, comercio pa comercio.”
“Mi ta pensa cu ta un idea cu lo habri e pais for di otro,” el a afirma.
Como respuesta, Trump a recorda cu e propio presidente Barack Obama a mantene un volumen constante di deportacionnan diario. “Loke mi kier bis ta cu Presidente Obama ya a deporta miyones y miyones di persona,” Trump a bisa.
Fuente: El Universal/CNN