WASHINGTON, Merca- “Claro cu mi ta dispuesto pa considera un shutdown di e gobierno Federal, si nos no logra un siguridad fronterizo apropia”, Trump a afirma den un conferencia di prensa na Cas Blanco hunto cu e prome minister Italiano, Guiseppe Conte.
“Mi no tin problema”, Trump a insisti, riba e suspensión di actividadnan di e Administracion Federal dia 1 di october próximo, si e parlamentarionan no yega na un acuerdo.
Na januari di e aña aki caba, tabata tin un cierre temporal di tres dia di duracion, impulsa pa e oposicion democrata despues cu Trump y e Republicanonan a usa e negociacion di e futuro legal di e asina yama “Dreamers”, e inmigrantenan ilegal cu a yega e pais, cu a yega e pais siendo mucha y despues di cual a yega na un pacto bipartidista.
Te awo Congreso a duna lus berde na 1600 biyon dollar pa e muraya na frontera, un di e proyectonan estrea di Trump durante su campaña, leu di e 25 biyon cu el a pidi. Qué consecuencias tiene un “shutdown”.
Un cierre lo afecta servicionan publico y e agencianan estatal no esencial. Tur di nan lo keda cera y nan empleadonan lo wordo temporalmente suspendei, ya cu no por paganan pa nan trabao. Ta calcula cu na 2013 esaki a afecta casi 85 mil empleado publico di e sector federal. Esaki ta inclui empleadonan administrativo y di mantenimento di organisamonan cu ta bay for di dierentuin y museo te cu agencianan federal manera departamentonan cu ta regula alcohol, tabaco y armanan di candela.
En cambio, servicionan esencial lo sigui wordo duna. Esaki ta inclui Forsanan di Siguridad y Militarnan. Na no lo ricibi niun salario mientras cu tanten cu tin shutdown, pero asina mes nan lo mester presenta na trabao. Esunnan cu tambe lo mester presenta na trabao cu pago ta funcionarionan civil, manera esunnan cu ta traha den e control di aviacion comercial, siguridad social y postkantoor. Tambe miembronan di Congreso.