PORTSMOUTH, New Hampshire – E candidato Republicano pa e Presidencia di Merca, Donald Trump, a insinua awe cu su rival democrata, Hillary Clinton, a tuma droga antinarcotico prome cu e encuentro di diaranson proximo.
“Nos ta manera atleta (…) y atletanan tin cu somete nan na un control antidroga. Mi ta kere cu nos mester haci un control antidroga prome cu e debate (di diaranson awo), pasobra mi no sa loke ta pasa” Clinton, Trump a bisa den un actividad na Portsmouth (New Hampshire).
“Na comienso di e ultimo debate (diadomingo ultimo na San Louis, Missouri), e tabata tin asina hopi energia. Y despues, na final… e tabata desea pa nan bah’e (for di escenario). Apenas e por a yega su auto,” el a añadi y a mustra su mes “dispuesto” na somete su mes na un control anti droga prome cu e debate di diaranson na Las Vegas (Nevada).
E candidato Republicano, kende a alimenta varios rumor riba e salud di Clinton den e ultimo lunanan, a critica su rival pa no tin programa awe ningun acto di campaña, ora di sigura cu e ta “descansando” pa e debate, apesar cu ainda tin “cinco dia.”
Fuente: EFE News