WASHINGTON D.C., Merca – E presidente di Merca, Donald Trump, a comparti diaranson cu e prome minister Israeli, Benjamin Netanyahu, su ideanan pa rebibi e proceso di paz tranca entre Israel y e Palestinonan cu segun informenan di prensa ta inclui e mediacion di paisnan Arabe.
Trump, a afirma cu e lo acepta “un solucion di un of dos Estado,” caminda cu e Israeli y Palestinonan cu ta prefera, loke ta supone un cambio respecto na e politica pa Medio oriente cu el a mantene Merca durante por lo menos den e ultimo 20 aña.
“Mi ta mirando na un solucion di dos Estado y di un Estado, mi lo gusta pa nan gusta na e dos partinan. Mi por biba cu cualkier di e dos” salidanan, Trump a bisa durante un conferencia di prensa conhunto cu e prome minister Israeli, Benjamin Netanyahu, prome cu reuni cun’e na Cas Blanco.
Den e mesun rosea, el a sigura cu Nacionnan Uni a trata Israel di forma hopi “inhusto” y a ratifica cu Iran nunca lo tin armanan nuclear. Ademas, el a pidi e Israelita y Palestinonan compromiso pa paz.
El a expresa cu e lo alenta na Israel y e Palestinonan pa negosha directamente pa logra “un gran acuerdo di paz”, ora di insisti cu pa logr’a haya e dos partinan “mester haci compromiso.”
Fuente: NTN24