WASHINGTON D.C., Merca – Durante un conferencia di prensa, e presidente Mericano, Donald Trump un biaha mas a dal aden cu prensa. El a yama algun di e periodistanan cu tabata tey presente como gañado. “Mi sa caba kico boso lo bay skirbi,” el a bisa. “Donald Trump sigur ta contra di prensa.”
Pero esey no ta berdad, Trump a bisa. El a bisa cu e ta enjoy hopi durante di e conferencianan di prensa cu e periodistanan: “Mi ta disfruta di dje.”
Esaki no ta prome biaha cu periodistanan ta haya riba nan cabes for di e presidente Mericano. Durante un conferencia di prensa despues di su inauguracion, Trump a baha pisa riba entre otro CNN y a acusa e noticiero di plama noticianan falso.
Fuente: RTL Nieuws