WASHINGTON D.C., Merca – E aspirante Republicano na e Cas Blanco, Donald Trump, a reitera diasabra cu e lo traha “un muraya” cu Mexico, cu e lo wordo financia pa Merca y “paga bek” pa Mexico, y cu e lo suspende e imigracion “desde regionnan propenso na terorismo.”
Den un discurso, caminda cu el a plantea con su prome 100 dianan di presidencia, na Gettysburg (Pennsylvania), Trump a afirma cu su “ley pa pone fin na imigracion ilegal” lo aporta na fondonan pa financia e muraya “cu e completo entendimento” cu Mexico “lo paga” Merca bek.
Te awor aki, e candidato Republicano a recalca cu e lo ta su bisiña di zuid kende lo haci encargo di e factura pa e construccion di e muraya destina na frena e fluho migratorio.
Tambe el a bolbe subraya su polemica idea di prohibi “imigracion desde regionnan propenso na terorismo,” aunke el a desvia den ofrece detaye di con e lo aplica e propuesta aki.
E luga scogi pa Trump, Gettysburg, ta simbolico na Merca, ya cu ta caminda cu presidente Abraham Lincoln a pronuncia na 1863 un di su discursonan mas reconoci den plena Guera Civil. Ademas, e magnate di New York a subraya cu “e lo cancela miles di miyones di pago na programanan di cambio climatico di Nacionnan Uni” y lo e uzanan pa financia proyectonan domestico.
E mayor parti di su propuesta lo ripiti anuncionan realisa previamente, como su intencion di “retira” Merca for di e Tratado Comercial Transpacifico (TPP) y “renegosha) e Tratado di Liber Comercio di Norte America (TLCAN).
El a critica, den e mesun rosea, e excesiva carga di regulacion, specialmente riba materia climatico, lansa pa e Gobierno di Presidente Barack Obama, kende a considera ta hoga e iniciativa presidencial. Por ultimo, el a carga contra di su rival democrata, Hillary Clinton, kende a responsabilisa su mes di defende politicanan continuista.
“E no ta compitiendo contra mi, e ta compitiendo contra e cambio y contra tur ciudadano Mericano,” Trump a indica.
Fuente: NTN24