WASHINGTON, D.C., Merca- President Donald Trump ta spera di por ricibi Vladimir Putin na Washington den herfst. Esaki segun Secretario di Prensa di Cas Blanco Sarah Sanders a bisa den un comunicado diahuebs.
“President Trump a pidi asesor di siguridad nacional, John Bolton, pa invita Presidente Putin na Washington den herfst y a cuminsa cu e proceso caba”, segun Sanders a bisa den un tweet diahuebs, oranan despues di cu Trump a manda un tweet bisando cu e ta “den expectative” pa reuni cu Putin un biaha mas “pa cuminsa implementa” temanan cualnan a wordo discuti durante e cumbre e siman aki.
E ultimo dos tweetnan aki ta e ultimo indicacionnan cu Trump ta sigui cu su plannan pa un acercamento cu Russia, aunke cu su acercamento cu Putin ta sigui di atrae criticanan bipartidista.