London, GRAN BRITANIA– Donald Trump Jr. ta confrontando criticanan fuerta pa su tweet oranan despues di e atakenan na London un comentario bieu di e alcalde di London Sadiq Khan cu ta bisa cu teror ta forma parti di e bida den un ciudad grandi.
Trump Jr. su tweet ta bisa:”Den serio?! Atakenan terorista ta parti di e bida den un ciudad grandi, segun e alcalde di London, Sadiq Khan”. E tweet ta inlcui un link pa e storia di dia 22 di September di un corant Britanico cu a inclui un citacion di Khan, cu tabata pidi pa habitantenan di London pa ta vigilante despues di un atake di bom na New York.
Miembro di Parlamento Britanico Wes Streeting tabata entre Britaniconan cu a contesta e tweet cu’n critica. El a yama Trump Jr. “un deshonra” y a acus’e di uza e atake pa beneficionan politico.
Ora cu a puntra Khan over di e tweet di Trump Jr., el a bisa “mi no ta bay contesta e tweet aki. Mi ta haciendo cosnan mucho mas importante durante e ultimo 24 oranan.”
Fuente: www.yahoo.com/news