TRINIDAD – Un informe di e corant The New York Times, a pone tur hende bay den un alerta: e hobennan di Trinidad y Tobago, dilanti di e costanan di Venezuela, ta biahdno pa Siria pa uni na e filanan di Estado Islamico. Segun funcionarionan Mericano a bisa na e corant, e pais por ta cuna di extremistanan cu no a wordo detecta lunanan atras.
E gran temor pa Merca ta cu e hobennan aki ta regresa na e pais y ta converti den unp otencial menasa pa Merca. Con? Cometiendo atakenan contra embahada of instalacionnan petrolero na Trinidad & Tobago, of hasta yega na Miami, cu ta apenas tres ora na avion.
Y pesey cu un di e prome mandatarionan na loke Donald Trump a yama tan pronto cu el a yega na presidencia tabata Keith Rowley, e prome minister di Trinidad. Di acuerdo cu Sarah Huckabee Sanders, un di e voceronan di Cas Blanco, “durante e conversacion nan a papia di terorismo y e stranheronan cu ta uni na Estado Islamico.” Diasabra a papia cu e presidente, Anthony Carmona.
E pais aki tin un pasado di extremismo islamista. Di acuerdo cu NYT, e responsabel di un intento golpista na 1990 tabata un grupo musulman radicalisa. Na 2012, investigadonan ta corda, un ciudadano di Trinidad & Tobago a wordo sentencia na cadena perpetua pa participa den un complot pa rementa aeropuerto JFK di New York, for di otro.
Pero, tin hopi musulman den ep ais? Di acuerdo cu e estadisticanan, no. Solamente 6% di e poblacion (1.350.00) ta musulman, di cual mayoria ta biba den e pais for di hopi tempo sin ningun problema. Sin embargo, di acuerdo cu autoridadnan Trinitense, e radicalisadonan sa bin di un poblacion empobreci y cu antecedentenan hudicial.
E situacion den e pais Caribeño a complica ora cu e prijs di petroleo a cuminsa cay. E ora ey, nan economia a cay y e pobresa a aumenta na e momento cu oportunidadnan pa hubentud a cay. Lidernan Musulman local a bisa na e corant cu hopi musulman ta integra bandanan criminal y ta radicalisa den prizon, pues tin hopi iman local cu a studia na Medio Oriente. Eynan e adoctrinamento, manera mayoria di e paisnan occidental ta caba cu hobennan den e filanan di e grupo terorista, ta wordo haci via internet.
Di acuerdo cu e legalisacion Trinitense, no ta legal pa uni na gruponan terorista. Awe Gobienro kier busca manera pa penalisa esaki. John Estada, ex embahado di Merca den e pais a bisa Times cu entre 100 y 300 persona a biaha desde Port of Spain, capital di Trinidad, pa Siria. Na Merca solamente 250 ciudadano (un pais cu tin 240 biaha mas e poblacion di Trinidad) a uni na e extremistanan of a purba di biaha pa Siria na final di 2015. E datonan ta di Comision Interior di e Camara di Representante. Esey ta converti e pais Caribeñno den ep ais di e hemisferio occidental cu mayor cantidad di habitantenan per capita entre e combatientenan stranhero di EI.
Estrada, kende a renuncia tras di e yegada di Trump na poder, a bisa e corant cu e “Trinitensenan ta bay hopi bon den e Estado Islamiso, ta respeta, y ta ascende rapidamente danki cu nan ta papia Ingles. EI ta uza nan pa haci propaganda,”
Fuente: El Espectador