Durante ASA su summer camp cu a tuma luga recientemente, e coachnan hunto cu tur e particiantenan a tuma algun momento pa duna un tributo simbolico na e hungado hoBen di FC Ajax, Abdelhak Nouri, di apenas 20 aña di edad a sufri daño cerebral permanente y severo despues di un paro cardiaco durante un wega algun dia pasa.
Appie, manera e tabata wordo yama, tabata un di e futbolistanan cu ta mustra di por a bira un estreya den e deporte na su edad hoben, y e mundo di futbol a keda den shock di e sucedido aki.
Futbolistanan rond di mundo, inlcuso e gran rival di FC Ajax esta Feyenoord, a uni pa mustra nan apoyo pa Appie. Na Aruba tambe futbolistanan a tuma tempo pa mustra nan apoyo y solidaridad pa Appie Nouri. Durante e summer camp di ASA, e trainers hunto cu e joven participantenan a para keto y duna un tribute simbolico door di para den formacion di e number “34”, number cual Appie tabata hunga cun’e riba su shirt.
ASA te desea Abdelhak “Appie” Nouri su famia hopi forsa, y ta manda oracion y deseonan pa un pronto recuperacion.