CARACAS, Venezuela- Tribunal Supremo di Husticia di Venezuela (TSJ) diahuebs a decreta cu e “constitucionalidad” di e Estado di Excepcion y di Emergencia Economico di Januari 2016 lo wordo prolonga cu 60 dia mas, y cu e decreto aki lo cumpli dos aña di vigencia na Januari 2018.
E Sala Constitucional di e maximo tribunal a informa riba e decision aki, pa medio di un comunicado. Esaki despues cu el a declara su mes competente pa revisa e constitucionalidad di e decreto N. 3.157 ” mirando e circunstancianan extraordinario den e ambito social, economico y politico, cu ta afecta e orden constitucional, paz social y siguridad di e nacion”.
Na Januari 2016, presidente Nicolas Maduro a aproba un decreto di emergencia economico cu a wordo prolonga durante full e aña y na Mei 2017, a publica un otro decreto nobo unda cu e ta señala cu “e garantianan por wordo restringi” pa ehercicio di e Derechonan Constitucional.
Sin embargo, e Asamblea Nacional (AN, Parlamento), di mayoria opositor, a bisa cu ta trata di e mesun decreto.
Unanimamente, e fraccion opositor di Parlamento na September ultimo a acorda na rechasa “energeticamente y desaproba” e decreto di emergencia economico, ya cu e ta “contra e limitenan temporal claramente estableci den articulo 338 di e Constitucion”.
Sin embargo, e Sala Constitucional di TSJ a declara tambe “nulo, inexistente y ineficas cualkier acto den cual e Asamblea Nacional ta pretende di desaproba e Decreto di Estado di Excepcion y Emergencia Economico N° y ta reitera cu e haci door di Parlamento lo ta nulo “mientras cu e rebeldia ta wordo manteni” pa cu e sentencianan di Corte Supremo.
Fuente: https://www.efe.com