MOSCU, Rusia- Tres ruman di 17, 18 y 19 aña a confesa di a mata nan tata. Motibo di esaki ta door di e maltratonan cu nan a sufri durante varios aña na man di nan tata. Asina nan a confesa despues di a mata nan tata, despues cu nan a wordo deteni.
E tragedia aki a tuma luga dia 27 di juli ultimo, ora cu e curpa di Mijaíl Jachaturian, di 57 aña a wordo haya den su cas den e zona noord di e capital Ruso, cu varios herida di arma blanco. Su tres yiu muhenan a wordo deteni y a reconoce nan culpabilidad durante interrogacion. Segun e rumannan, nan tabata mantene un relacion “personal hostil cu nan tata debi na e sufrimento moral na cual el a somete e yiunan pa un periodo di tempo largo”, segun Yulia Ivanova, di e departamento principal di investigacion di e Comite di Investigacion Ruso.
E rumannan, nombra door di e medionan di comunicacion como Anguelina, Kristina y Maraa, ta wordo acusa di “homicidio cometi pa un grupo di persona cu’n son acusadas de “homicidio cometido por un grupo de personas y premedita”, segun e prensa di husgado di Ostankino, un delito cu por wordo condena na cadena perpetua.
Añanan di maltrato y abuso
E mucha muhenan a revela cu nan tabata sufri di sotanan sistematico na man di nan tata. Hopi biaha, door di e blauwnan y herida cu nan tabata tin na nan cara, nan no tabata por a bay scol. Ademas, segun e rumannan, e tata tabata menasanan constantemetne. Door di esaki, algun aña atras, e mama di e rumannan a huy for di cas, despues di cual e homber practicamente a obliga su yiunan pa cumpli cu e papel di esclavo personal, un di nan semper mester tabata na cas pa sirbi’e.
Segun e rumannan, su tata tabata tin un gran cantidad di arma, un scopet, un pistool, un revolver, cuchiu y bate, un arsenal cu e homber tabata menasa constantemente cu purba su yiunan.
Informenan at sigui bisa cu, segun e rumannan, e representantenan di servicio social hopi biaha a purba bishita e cas, pero e tata nunca a habri e porta pa nan, pa cual nunca mas nan no a purba comproba e situacion berdadero na e cas.