Willemstad Curacao: Djamars 25 di yüli 2017, alrededor di 16.30 or, Departamento di Reshèrshi (VVC) konhuntamente ku e Tim di Mantenshon di Rio Canario a tene un entrada hudisial na un kas den Zuid Abrahams. E entrada hudisial ta den kuadro di un investigashon di ladronisia den kas kometé dia 4 di yüli último den área di Abrahams. Durante di e investigashon na e adrès menshoná, a haña i konfiská entre otro;
Algun artíkulo probablemente prosedente di e ladronisia menshoná;
Un kantidat di hash, mariwana i algun píldora probablemente XTC.
Relashoná ku esaki polis a detené tres sospechoso. Ta trata di un hende muhe i dos hende hòmber:
R.R.M. di 26 aña di edat;
W.J.M.v.U di 62 aña di edat i
e hende muhé D.N.J. di 29 aña di edat, tur tres nasé na Kòrsou.
A presentá e sospechosonan dilanti un fiskal ouksiliar.