Un auto a pasa dal varios peaton den e cayanan di Bourke y Elizabeth, den e ciudad di Melbourne, Australia. Varios persona a resulta herida, segun polis local a informa. Esaki a sosde diahuebs den oranan di merdia, ora di Australia.
“E circunstancia den cual esaki a pasa ainda ta bou di investigacion y mas informacion lo wordo suministra, asina cu nos tin nan”, segun vocero di polis.
Segun Ambulance Victoria, un servicio di paramediconan cu ta opera den e ciudad di Melboure, varios unidad a atende e emergencia, cu a keda registra pa 1’or y 40 di merdia.
Internautanan a informa riba rednan social cu polis a tira riba un persona sospecha di tabata e chauffeur di e vehiculo.
Polisnan a descarta terorismo, a pesar cu testigonan a declara cu e chauffeur a grita “Allahu Akhbar, Allahu Akhbar, Allahu Akhbar!”
E atake aki ta pone hopi hende corda riba e atakenan na Nice, Francia y mas reciente durante un Feria di Pasco, na Alemania.
Fuente: www.pjmedia.com