MANCHESTER, Inglatera – Durante e mainta di diaranson, polis di Manchester a detene tres homber pa investiga su relacion cu e atentado perpetra durante e anochi di dialuna pero Salman Abedi, den e stadion Manchester Arena, cu a laga 22 morto y 59 herido.
Cu nan, ya ta cuater e personanan cu ta den custodia di autoridad, ya cu diamars, e prome sospechoso a wordo captura.
Medionan Britanico a indica cu e prome capturado ta e ruman homber cu a realisa e atake y a identifik’e como Ismael Abedi, di 23 aña.
No obstante, autoridadnan no a confirma e identidad di e detenidonan ni su pais di origen.
Entretando, e minister Britanico di Interior, Amber Rudd, a informa cu “ta parce probabel”, cu Abedi no lo a actua su so y a resulta cu ta altamente probabel cu e homber lo a bin bek di un biahe pa Libia recientemente.
Fuente: www.ntn24.com