Luitenant Ter Zee, Martin Franssen dialuna mainta a traspasa e comando over di e cutter Jaguar di Warda Costa na su colega di rango Tomas Roosmalen. E traspaso di mando a tuma luga den presencia di director di Warda Costa, Brigadier General Peter Jan de Vin; madrina die Kustwachtcutter Jaguar, Sra. Mendez de Gouveia; coleganan di Warda Costa, famia, conoci y tripulacion.
E comandante saliente a tira un bista bek ariba tur e sucesonan di e Jaguar manera interceptacion di cargamento di droga di 1200 kilo riba Oceanic I, pero tambe ariba un cantidad di momentonan dificil manera e fayecimento di su mama. Franssen a enfatisa grandemente ariba e e profesionalidad y spirito di colegialidad di su tripulacion. Cu sentimentonan mixto el a tuma despedida di e barco y su tripulacion, pero e tabata tin e siguransa cu e comandante nobo lo haya e sosten necesario di e tripulacion di e Jaguar.
E comandante nobo den su discurso, cual tabata full na papiamento, a bisa cu danki na e organisacion cu e tabata por a cumpli cu e funcion aki. “Como cualkier lider mi ta para banda di mi tripulacion y mi ta hinca mi man den candela pa nan. hunto cu e hombernan di e Jaguar mi ta kere cu mi lo haci un bon trabao pa e isla”, segun Roosmalen. E ceremonia a finalsia cu’n recorido cortico ariba e Jaguar.