Den un ceremonia na e pier di Kustwacht na e base Marino na Parera, den presencia di ministernan di Husticia di Aruba y Corsou, miembronan di e presidio, invitado y coleganan, e prome cuater Metal Shark tipo Defiant 38 Interceptornan a wordo traspasa oficialmente na Guarda Costa di Caribe Hulandes.
Rear Admiral Johnston di US Coastguard simbolicamente a traspasa e embarcacionnan nobo aki na e presidente di e Presidio di Guarda Costa, Sr. Versluijs door di duna un cuadra den su leishi. “Mi a sintimi parti di e famia ora cu mi a yega akinan, ya cu nos ta traha hunto pa e mesun meta cual ta combatimento di droga y search & rescue”, segun Johnston. E Interceptornan aki tin un cabaña pa cual e miemrbonan di Guarda Costa por nabega den tur tipo di clima. Awo nan por keda mas tempo abordo y e trabao fisicamente lo por dura un poco mas. Pronto e Super – RHIB na Aruba y St. Maarten tambe lo wordo reemplasa door di e Metal Sharknan.
Despues cu pastoor Raul a bendiciona a botonan, e invitadonan despues di un brindis por a subi e embarcacionnan aki y nabega un ronda den Schottegat.