E barco naval Zr. Ms. Van Speijk, di e base marino di e Armada Real di Hulanda den West, ariba e anochi di 21 pa 22 di December, a intercepta mas o menos 500 kilo di cocaina den un ‘gofast’ den lama Caribe. E dash-8, e avion di patruya maritimo di Warda Costa di Caribe Hulandes (KWCARIB) tambe a wordo poni den uzo pa apoya Zr. Ms. Van Speijk. Despues di e deteccion, e RHIB, e barco di interceptacion di Van Speijk a wordo lansa cu un Law Enforcement Detachment (LEDET) di Warda Costa Mericano a bordo pa intercepta e ‘go-fast). Despues cu e personal di Warda Costa a subi abordo, a haci un investigacion a bin haya 27 saco di cocaina (casi 500 kg) cual a wordo confisca. Miembronan di tripulacion a wordo aresta y transferi, hunto cu e contrabanda pa un barco di Warda Costa Mericano.
Na nomber di e Comandante di Marina den Caribe, Zr. Ms. Van Speijk actualmente ta desplegando operacionnan anti-droga den Caribe. E barco y su tripulacion ta parti di un operación antidroga multinacional permanente dirigi pa un Taskforce di cual e Comandante di Marina den Caribe ta realisa un comando den Caribe. E operacionnan antidroga ta un di e tareanan principal di Defensa den Caribe.