Hopi persona lo por tin e intencion di cuida nan salud pero nan no sa con pa haci’e, anto riba e topico aki Nannelle van der Spil-Croes di Transition 2 Health ta presenta tambe un programa integral di cleansing pa start un cambio di life style, unda bo lo cuminsa haci bo curpa limpi di toxico anto e ora lo cuminsa cu e tratamento bou guia. Hopi hende ta custuma di come cu vet, cuminda procesa y no saludabel. Cu ta hasi cu lo ta dificil pa baha peso, e programa aki lo detox e curpa.
Sra. Nannelle van der Spil-Croes di Transition 2 Health su prioridad no ta pa hende baha peso sino pa cambia bo style life na mas sano cu ta posibel y e mantencion pa cu e salud y ayudo preventivo. Ta importante pa bisa tambe cu tin diferente disciplina cu ta forma parti di e team den e programa aki cu lo a bin presenta pa Nannelle van der Spil-Croes Transition 2 Health, profesionalnan local y conoci di nos comunidad manera dr. John Croes, Angelique Salsbach dietista y nutricionista, Jerome van der Spil, fisioterapeuta y lo ta yoga instructor pa e programa, Joke Schmidkesteloo cu ta e fisioterapista/accupuncturista y Nannelle van der Spil-Croes terapista occupacional di Transition 2 Health, Rudy Leysner ta duna un back up tambe den e programa di limpieza di parti Fundacion Movemento pa bida.
Ta recomenda pa tuma na cuenta e opcion aki den area di salud, pa mas informacion actual di kiko nan ta haci specificamente bay na e website www.transition2healtharuba.com y riba facebook transition2health anto subscribe, telefon ta 5853553 5931593. Transition 2 Health specialistanan den e area di medicina preventivo unda comunidad lo por haya ayudo sigur y tambe den e parti mental, emocional y spiritual di e pashent, unda cu lo por cuminsa un relacion beneficioso cu specialistanan con e meta primordial di wak pa bo salud den su totalidad.
Pa ultimo Sra. Nannelle van der Spil- Croes a splica cu Transition 2 Health ta ofrece pa un parti di e atencion medico azv lo cubri cu e disciplinanan medico cu ta traha cune, pero e parti di Transition 2 Health e lo bira priva y e ta rekeri di un pago, unda cu nan ta haci un diagnostico general na e pashent anto dependiendo di esaki lo wordo pasa cu e ajudo rekeri, pa cuminsa cu e tratamento.