Fortaleza, BRAZIL- Bida di Dandara dos Santos a yega na su fin den un hanchi di Fortaleza, Brazil.
Su asesinato a bin despues di a wordo malamente golpea sin cu polis di e ciudad di e estado di Ceara a duna oido na su gritonan di auxilio.
Mientras cu Dandara tabata abao na suela, cuater homber tabata skop’e y bati’e cu palo, un otro persona tabata bezig ta filma.
E crimen horibel aki a causa conmocion na Brazil y a desata un condena internacional.
Dandara tabata un travesti y e crimen a pone un biaha mas den claridad, e vulnerabilidad di e travestinan y transexualnan den un pais unda cu asesinato riba travestinann no ta wordo registra.
Na 2016, 144 travesti y transexual a wordo asesina den e pais, segun e Grupo Gay de Bahia. E aña aki, cu apenas ta den su di tres luna, ya tin 23 caso di asesinato.
Pa e Grupo di Resistencia Ala Blanca, cu sede na Fortaleza, e falta di estadisticanan oficial ta un prueba di e ausencia di gobierno den e lucha contra e crimennan contra di e comunidad LGBT.
Fuente: www.bbcmundo.com