IMG_4980
Diamars mainta un grupo di cuidador di preso cu ta cay bou di e sindicato di TOPA a welga unda nan a mustra nan disgusto y no ta tolera e maltrato cu un di nan coelga a haya di parti di un personal di Management Team di KIA. A entrevista Sr. Rene Bernabela di sindicato TOPA y e la comenta cu e pasenshi di e trahadornan di KIA a caba y dialuna TOPA tabatin un reunion cu Sr. Wijlenberg na Centro di Informacion na Balashi y a papia riba e topico di e miembro di Management Team cu a agredi un miembro di sindicato TOPA y riba e topico aki TOPA a kere cu lo bay yega un solucion satisfactorio riba esaki pero pa Sr. Rene Bernabela a resulta di un baño di awa frieu unda a resulta cu e miembro di Management team a keda na pia di trabou y esun mes cu a keda agredi a keda manda cas.
Ta resulta cu e trahador cu a keda agredi a haya un carta di parti di Gobierno caminda den e carta ta skirbi pa e situacion di KIA fria y restablece bek e por bin traha bek y ta pidiendo pa overplast e trahador aki pa un otro departamento. Sr. Bernabela a bisa cu esaki ta kibra tur regla cu tin y locual cu conoce den ley di ambtenaar y esaki no ta aceptabel den e caso aki. Articulo 48 den e ley di LMA ningun momento a keda aplica pa tur dos trahador.
Sr. Bernabela a bisa si a cuminsa cu un investigacion den bon marcha e ora ey ningun di e dos trahadornan no por ta na pia di trabou y no por ta asina cu un trahador cu ta miembro di TOPA bay cas y esun cu a causa e problema cu ta miembro di Management Team si a keda na pia di trabou. Na momento cu TOPA a informa Minister via e director di KIA Sr. Wijlenberg pa reuni cu e situacion aki unda diamars mainta mester a sinta cu Minister Dowers y na yegada na Bestuurskantoor, Sr Bernabela a keda informa cu ningun momento Minister Dowers ta wardando sindicato TOPA pa cu un reunion.
Cu esaki diamars mainta sindicato TOPA a informa e trahadornan cu ta miembro di TOPA unda nan a haya cu awa a pasa hariña y trahadornan di kia a bisa ta basta y aki a sali afo y riba dje a bin mas di 13 punto dilanti unda palca di overtime cu tin lunas cu no ta keda paga. Sindicato TOPA kier pa Minister Dowers scuchanan y yega na un acuerdo preto riba blanco y yega na un acuerdo pa cu e pagonan di overtime.