Diamars trahadonan di SVAG a sali manifesta nan disgusto ariba e manera con e directiva di DVG e trahadonan, no ta e manera corecto. Sindicato FTA, representa door di Sr. Rudy Geerman, ta splica mas di esaki.
No por ta asina cu ta duna un delegado di FTA, cu pa añanan largo ta representa e trahadonan, y ta duna e delegado un warning, pa despues mand’e cas pa dos siman cu pago. Esaki ta pa e delegado reflexiona y ora e bin bek e haya coaching. Kico e compania ta spera di dje pa locual ta su trabao? Ora cu esaki tuma luga, nan ta completamente robes. Den e carta ta para cu esaki ta e druppel cu a yena e hemchi. Esaki kiermen cu tin hopi cos cu a pasa, segun e directiva y cu nunca a wordo coregi. Y awo kier hinca tur cos den e carta. Na momento cu un trahado, segun e compania, ta haci algo malo, ta nan deber di papia cun’e y laga e trahado splica kico a haci, y despues ta yega na un solucion. Pero no por keda keto y keda acumula cos.
Awo ta acusa e trahado, mand’e cas pa 13 dia, dun’e un warning y despues cu a sinta papia bisando cu e procedura cu cos ta bay no ta corecto, e ora SVGA ta core busca prueba pa purba culpa e trahado mas. DVG ta completamente robes den e procedura. Gerencia mester por reflexiona. Nan a papia tambe cu e presidente di e directiva y FTA ta spera cu nan reflexiona pero parce cu no ta asina, nan ta para ariba nan palabra.
FTA a manda un carta pidiendo un reunion, pa sinta pa yega na un solucion sino e trahadonan lo sigui protesta. Y lo keda den man, pa sigui traha ariba e situacion aki. Na momento cu tin cliente, pero no por duna servicio optimal. Gerencia ta responsabel pa cualkier cos cu tuma luga. E trahadonan ta dispuesto pa sigui traha, basta cu gerencia trek in e warning.
Tabata tin algun miembro di personal cu a keda pa atende cu e clientenan. E trahadonan ta pafo y nan tin comprension pa e cliente. E trabao aki no ta uno cualkiera, no por traha esaki sin tin amor pa e trabao, no trah’e.
No por ta posibel cu e gerencia ta constata cu e trahado no ta haci su trabao bon, ta deber di gerencia di papia cun’e. Y no por keda acumula te ora cu e hemchi yena. E manera cu e SVGA ta wordo maneha, no ta esun corecto. E respet pa trahadonan no t’ey mas, cada biaha cu nan kier expresa nan malcontento nan ta wordo persigui, segun Sr. Rudy Geerman, lider di sindicato FTA.