Un parti di e trahadonan di FCCA ta contento cu FTA a pidi un referendum. Esaki ta pa definitivamente kita e duda cu e trahadonan tin, si e trahadonan ta kies pa un rechtspositieregeling of no, di cual durante votacion teni internamente, e resultado tabata 45 na fabor y 44 contra, segun presidente di FTA, Hubert Dirksz.
Trahadonan den un reunion a pidi pa un referendum, cual FTA a pidi cerca mediador di Gobierno. Pero e resultado di e votacion ta trece un malcontento y division mas grandi entre esunnan cu ta kies pa un rechtspositieregeling.
FTA ta kere cu claridad y seriedad y informacion corecto mester wordo duna di tur dos banda. Na final ta trahadonan mester dicidi. Sr. Dirksz ta sigur cu no por keda den algo cu no ta sigur di dje. Den e caso aki rechtspositieregeling ta duna demasiado poder na directie. En cambio un CAO lo duna mas espacio y e trahado lo tin mas derecho. Mescos cu e dunado di trabao por regla su condicionnan cu e ta kere cu mester tin den e CAO. Sr. Hubert Dirksz ta haya cu e malcontento ta basa ariba falta di informacion. Pero esey referendum lo dicidi si trahadonan kier FTA y si mayoria bisa no, esunnan cu ta miembro lo keda miembro y e rechtspositieregeling lo keda. Pero si e decision ta si, e ora lo mester cuminsa cu negociacionnan pa un CAO.
Presidente di sindicato FTA, Sr. Hubert Dirksz a splica cu un referendum lo mester tuma luga, un luna despues cu a pidi pa esaki.