Hopi ta e ciudadanonan cu ta alerta ariba personanan cu ta yega na bo porta di cas den oranan di mainta, sin cu cacho ta haci nan nada.
Aparentemente, personanan instalando camaranan di siguridad na un cas, lo a bay cu e yabi di auto di e doño di cas tambe E persona aki a bay cu e yabi di spare sin cu nan a ripara y nan a bay cu e auto. Nan a pone denuncia pero tambe a sigui busca ariba nan mes. Un par di siman despues, nan a bin wak nan auto na un establecimento. A bay over na yama polis. Pero e personanan aki para ariba cu e auto tabata di nan. Pero bou di presion, nan a bin basha abao cu nan mes a bay cu e auto di e doño di cas unda nan tabata instalando. E personanan aki a wordo deteni na pia di trabao.
Ta pidi pa tur hende ta atento ariba cada movecion den bo bario. Un yuda otro pa tin un miho control di kico ta pasa den bo bisindario.