Personal di un casino a yama warda y a meld cu un di nan trahadonan a comete ladronicia. E ladronicia a wordo divulga na momento cu a vigila e imagennan di casino. A base di esaki polis a bay na e casino. Eynan a papia cu e chief security di e casino, K., kende a declara cu un huesped, a bin cerca nan y a bisa cu el a perde su cartera, despuescu el a lag’e na un mashin di jackpot. Mirando cu ta varios biaha esaki ta sosode cu un huesped ta perde algo, a dicidi di bay wak e imagennan di camara. Mas of menos 15 minuut prome, a bin un trahado di e casino y a topa cu e cartera y no conforme cu e reglanan di casino, no a entrega esaki, o a horta esaki. A base di esaki, e muhe a wordo confronta pa e staf di casino, pero a keda nenga e ladronicia. Door di esaki a yama polis. Despues cu a papia cu K, cu permiso di e chief security y MOD di e casino, a bay pasa door di e imagennan di video. A constata via e imagennan cu e trahado berdad tabata tey presente na e mashin, caminda cu e huesped tabata y a bay cu e cartera. E cartera a wordo lora den un paña, y despues poni den un prullebak, unda el a scondi’e. Despues el a cana bay y a bin bek y a coy e prullebak completo y hib’e na e deposito, unda cu e saconan di sushi ta wordo warda, te ora esakinan wordo treci pafo. Dado momento el a cana bay pa hiba e sushi na e luga indica parti paden y a keda mas of menos un minuut paden. Despues el a cana bay cu un prullebak y varios otro baki pafo. A base di esaki, keho a wordo tuma di ladronicia. E denunciante no a duna ningun derecho ni permiso pa bay cu su cartera, cu el a lubida na e mashinnan di jackpot y haci’e di dje. E dama MLIA, a wordo deteni y hiba warda na Strandpolitie pa asina e wordo presenta dilanti di fiscal auxiliar y encarcela pa mas investigacion. E sospechoso a wordo hiba warda na Shaba, caminda cu pa motibo di e ora di anochi y despues cuadro di investigacion, a keda cera.