Opinion Publico: Diamars mainta un ciudadano ta aserca redaccion di masnoticia reclamando algo cu nan tin basta tempo pa pidiendo ayudo di Cuerpo Policial y nada ta ser haci. Nan a informa nos cu na mas cu un ocasion ta yama 100 y no tin ningun oyido di central di Polis of ta warda un morto cay pa actua???
E ciudadano cu ta un persona cu tambe ta core banda di caminda a comenta cu e homber di 36 aña M.Vrolijk tin trafico di Noord pa Arashi na un peliger pa tanto automobilista y esnan cu ta core banda di caminda como deporte. Unda e no ta respeta hende cu ta core y tambe ta tira auto riba peatonnan, di cual esei ta castigabel pasobra ta un intento di asesinato. Diamars mainta e mes un homber aki coriendo un Pickup Isuzu blanco A-30718 tabata core iresponsabel pasando autonan manera loco pa e bay sconde den mondi na Arashi.
Riba 7 di Mei 2017 un facebook page 297sport a publica foto di e mes un chauffeur aki con por poco a trapa personanan coriendo banda di caminda ni pa e baha velocidad como respet. Den luna di Mei central di polis a manda patruya bay para e chauffeur aki te den cura di Garage Central pa core ireponsabel riba camindanan di Aruba. E ta core su pickup sin plachi number patras y tur dia ta core iresponsabel e ciudadano ta comenta.