Diamars 8 Januari 2013, Prome cu 7:30 di anochi central di Polis a haya un yamada cu pabou di Quick Store riba Caya Betico Croes un accidente pisa a cabi sosode unda un auto blanco a alcansa un peaton cu a crusa for di pazuid di caminda pa bay panort y e ta benta abou gravemente. Aki Polis di trafico y playa a bay di biaha pa cera e caminda y ambulance a sali for di Post Wayaca y yega den menos di 5 minuut. A atende e victima di biaha pero ambos di su pianan tabata kibra y tabatin basta sla na cabes y curpa. Cu sumo urgencia a hibe Eerste Hulp y aki despues di algun minuut ta fayece. Specialista di trafico a keda na e sitio te cu pasa di 9 or di anochi haciendo nan investigacion profundo pa constata kiko a bay robes. E chauffeur di e hyundai cu ta abogado sr. Chris Lejuez ta declara cu e peaton a crusa su dilanti inesperadamente y no a wak trafico pariba di caminda. E chauffeur a haci su maximo posibilidad pero tabata invano. Te asta slachtofferhulp a keda solicita ya cu e chauffeur a drenta panico y no por a kere cu e ta envolvi den caso asina. Dokter ta constata e morto na Eerste Hulp. Marie Imelene Jeanlouis, naci na Haiti dia 9 di augustus 1940 na bida biba na Dadelstraat 35
Loading ...
hopi biaha peaton ta cruza na grandi sin wry cu auto ta bin riba nan mane si ta anan ta donjo di caminda…mino ta desea niun hende malo pero caminda ta traha pa auto core riba dje no pa bo play grandi cruza caminda mane si ta abo ta manda semper watch out bon ora di cruza caminda! corda cu no tur chauffer ta consiente y tin cu no ta masha bon di cabes y no lo break pabo. ami mes hopi biaha hende ta sali cruza mi dilanti inesperadamente cu mi tin cu los break djies paso nan a dicidi di crusa ora auto ta core….semper corda riba e dicho! es preferible llegar tarde que no llegar nunca mas.
Mi por ta fout, pero si un peaton sali di banda robez di caminda, yega te mitar di caminda caba, e no ta parsemi “inesperadamente”. Mas bien e ta parcemi cu e chauffeur no a paga mucho tino riba caminda. Si e peaton a sali banda drechi di caminda, bo por bisa cu twt “inesperadamente”, bo no twt por a desvia mas pe etc etc. Pero cu tin peaton nan cu berdad ta kere nan ta doño di caminda ta berdad!
Den e caso aki mi ta haya cu tur 2 ta fout! Peaton mester a warda trankilo te ora e auto pasa pa e por sigui y e chauffeur mester a paga mas tino na trafico y asina un peaton mitar di caminda caba no lo twt “inesperadamente” pe!!!!!!!!
Condolencia na e famia di e fayecido y Chris Lejuez paga mihor tino na trafico den futuro!!!!!!!!!