Trabou riba Seroe Cristal ta pa haci’e algo turistico

0

Despues cu a bin un mal disgusto den e bario di Seroe Cristal, director di DOW ta splica kico ta e storia real di e caso aki y kico lo bay haci riba e cero mirando cu esaki mester bira algo turistico segun Sr. Marlon Croes.

Tabata tin un palabracion enter DOW y un contratista loke mester sosode na Seroe Cristal. Dado momento cos a bay fout y na dado momento el a haya yamadanan ariba esaki, y a dicidi di bay tira un bista na e sitio. Di biaha ora cu el a yega na e sitio, di biaha e por a constata cu cos a bay fout. A para e trabao di biaha y nan a asumi nan responsabilidad. DOW no ta para pa destruccion di naturalesa, pero ta para pa haci Aruba mas grandi.

DOW a tuma e rienda di biaha pa rehabilita e area aki. Sr. Croes a papia cu e Stichting Seroe Cristal riba kico lo bay haci. Dialuna ultimo a cuminsa cu e trabaonan di rehabilitacion di e area y esey lo sigui pa e proximo dos simannan. Lo bay iriga e area pa e por recupera hopi mas lihe, den e proximo tres lunanan.

Director di DOW a nenga rotundamente cu lo tin un proyecto di restaurant pa e area. Cu tin otro trabao tumando luga den e area no tin nada di haber cu cualkier proyecto. Seroe Cristal tabata un proyecto chikito di expone un bena (un mina di oro antes) pa local y turistanan. Riba su mes, esaki tabata un bon meta, unda cu por a brinda informacion na e bishitantenan con nos antepasadonan tabata expone ora.

Pero e trabaonan no a bay segun planea y p’esey a tuma e decision di para esaki di biaha. Asina Sr. Marlon Croes, director di DOW a splica.

 

LEAVE A REPLY

Please enter your comment!
Please enter your name here