Departamento di Obra Publico ta informa pueblo di Aruba en general y specialmente nos automobilistanan relaciona cu e trabou di construccion di un Verkeersplateau den cercania di Agnes Kleuterschool y scol basico Felipe B. Tromp cu mester tuma luga diaranson 31 di Augustus y diahuebs 1 di September2016.
Lo desvia tur trafico biniendo di Sabana Liber na altura di cruzada di Huan Zan Supermarket pa yega na caminda Oranjestad/Noord y lo desvia e trafico biniendo di T-weg di Centro Deportivo Frans Figaroa den Montaña mes. Ambos ruta lo ta indica cu baricada y borchinan di aviso.
E trabou lo cuminsa pa 7’or di anochi y ta programa pa caba pa 3’or di marduga.
Ta pidi tur automobilista, negoshina y otro usuarionan pa tene cuenta cu e inconveniencianan cu lo por surgi pa cual nos ta pidi nos disculpa.