TOKYO, Hapon – Toyota Motor Corp a bisa diahuebs cu su directorio lo considera un propuesta riba un mayor asociacion cu su rival Mazda Motor Corp, tras un reporte cu e compania automotriz Hapones tin planea di construi un fabrica na Merca.
E corant financiero Hapones Nikkei, a reporta diahuebs cu Toyota lo tuma mas of menos un participacion di 5 porciento den Mazda Motor Corp pa establece un fabrica di auto na Merca y desaroya tecnologia clave pa vehiculonan electrico.
E acuerdo por wordo anuncia pa diabierna mes, segun e corant.
Den un comunicado, Toyota a bisa cu ambos compania ta explorando varios area di colaboracion den virtud di un acuerdo di Mei di 2015.
“Nos ta pretende manda un propuesta na nos directorio awe respecto na e asociacion cu Mazda. Sin embargo, nos lo kier abstene di realisa mas comentario na e momentonan aki,” Toyota a declara den un comunicado emiti pa su operacionnan na Merca.
Toyota, e di dos compania di auto mas grandi di mundo den benta na 2016 y e dominante na Hapon, tabata cerando aliansa cu rivalnan Hapones mas chikito pa varios aña, consolidando di e manera aki e sector automotor Hapones.
Si Toyota y Mazda acorda e construccion di unplanta di ensamblahe na Merca, probablemente esaki lo comberti den blando di un competencia entre estadonan di e region central y di e zuid di Merca cu ta busca pa expande empleadonan di fabrica.
E presidente Mericano, Donald Trump, a critica Toyota na Januari pa importa auto for di Mexico y a comberti den un di su prioridadnan den e incremento di e cantidad di trabaonan den fabrica na Merca.
Fuente: www.reuters.com